As altas presións localizaranse durante a xornada ao norte da península Ibérica, achegando estabilidade e aire cálido desde o sur. Isto suporá que os ceos estean en xeral pouco cubertos ou despexados, con bancos de néboa no interior e no litoral, máis persistentes nas primeiras e últimas horas do día.
A predición de Meteogalicia avanza ademais que os ventos soprarán frouxos de compoñente oeste e as temperaturas mínimas manteranse sen cambios significativos, mentres que as máximas experimentarán un ascenso, entre lixeiro e moderado.
Deste xeito, entre as principais cidades galegas, as máximas oscilarán entre os 32 graos de Ourense e os 22 da Coruña, mentres que as mínimas situaranse entre os 15 de Vigo e Santiago e os 17 da Coruña.
