Este sábado a situación meteorolóxica será algo máis inestable, con aire moi cálido en superficie e entrada de aire frío nas capas altas da atmosfera.
Así, os ceos estarán despexados pola mañá, con algunha nube no extremo norte e co avance da tarde formaranse nubes de evolución, con chuvascos tormentosos máis probables na metade sur de Galicia que xa pola noite poderían estenderse a calquera punto da comunidade.
As temperaturas, prognostica Meteogalicia, non experimentarán cambios significativos.
O vento soprará do nordés, moderado en xeral, forte no litoral coruñés.