A influencia dun anticiclón acabará de despexar este sábado o ceo en case toda Galicia, coa excepción dalgunhas nubes que resistirán na Mariña e no norte da Coruña.
As previsións de Meteogalicia anuncian que, con ese panorama, as temperaturas máximas experimentarán un lixeiro ascenso. Así é que Ourense alcanzará os 25 graos e Vigo e Pontevedra os 26, aínda que Lugo non superará os 18.
En canto ás mínimas, espérase un descenso que as deixe en valores baixos para esta época do ano. A temperatura máis fresca do mapa urbano volveraa rexistrar Lugo, con 5 graos, mentres que o resto das cidades estarán arredor dos 10.
O vento soprará do nordés, moderado en xeral e forte entre o norte das Rías Baixas e Estaca de Bares.
