Este sábado Galicia quedará na influencia dunha borrasca centrada ao sur de Irlanda que enviará unha fronte moi activo ao final do día.
Así, como prognostica Meteogalicia, os ceos estarán cubertos, con choivas na metade oeste. Xa pola noite as precipitacións chegarán a toda a Comunidade e serán localmente moi intensas.
As temperaturas mínimas experimentarán un moderado ascenso mentres que as máximas descenderán, polo que quedará unha xornada de pouca oscilación térmica.
En terra o vento soprará moderado do suroeste pola mañá, aumentando a forte, pola noite. No mar o vento será forte no litoral da Coruña, aumentando tamén ao final do día en Pontevedra e Lugo.
