A comisión organizadora da XXXIII Feira do Viño de Chantada, a cargo do Concello en coordinación cos adegueiros e outros profesionais do sector, xa ten ultimados todos os preparativos para que do 6 ao 8 de marzo celébrese a festa sen problemas. Como na edición anterior, este ano haberá postos de 13 adegas, segundo comentou onte o presidente da organización, o concelleiro de cultura Manuel Diéguez, logo de pechar a inscrición a última hora da tarde.
A comisión organizadora celebrou unha xunta na que se analizaron diversos detalles como a localización dos postos de venda, que seguirá sendo a Avenida de Monforte e arredores da Praza de Galicia, unhas casetas que imitan cubas e que están feitos en madeira natural.
Entre outras particularidades, na reunión decidiuse que o prezo mínimo de cada botella será de seis euros, aínda que o final será determinado por cada adegueiro. A degustación por copa non poderá estar por baixo de 1,50 euros, tal como se decidiu na xunta da organización.
A feira vinícola de Chantada é unha da máis multitudinarias de toda a Ribeira Sacra e é precisamente a que abre o calendario de festexos de exaltación dos caldos da comarca. Esa é unha das circunstancias que axudan a que reciba gran cantidade de visitantes, aínda que destaca pola calidade dos caldos que se presentan e tamén debido a que paralelamente hai unha feira de oportunidades que organiza o Centro Comercial Aberto (CCA), así como unha poxa de gando frisón. A maiores instalaránse tamén numerosas atraccións.
