O zumaque (sumak en turco) é unha planta de cor avermellada que se utiliza como especia na cociña de Oriente Medio. Ten un sabor acedo moi similar ao do limón. É ideal para aderezar as ensaladas, entremeses e os típicos kebabs turcos.
Ingredientes
- 400 gramos de peixe (rape, pescada, cabracho...).
- Un pemento vermello.
- Un pemento verde.
- Un tomate.
- Unha cebola.
- Unha lata de wakame.
- Unha lata de espaguetis de mar.
- Un ovo cocido.
- 100 ml. de aceite de oliva.
- Dúas culleradas de sumak.
- Perexil.
Elaboración
Cócese o peixe e córtase en anacos pequenos. A continuación, faise un picado coas verduras e as algas, xunto co ovo, engádeselle o sumak e aspérxese todo co aceite de oliva. Para rematar, espoldréase con perexil.
