O xoves persistirá o aire cálido sobre Galicia, aínda que co avance da xornada os ventos do oeste traerán humidade ao litoral.
O día comezará cos ceos despexados en toda a comunidade e a partir do mediodía entrarán as brumas pola franxa costeira e formaranse nubes de evolución no interior que poden deixar algún chuvasco de carácter tormentoso no leste das provincias de Lugo e Ourense.
As temperaturas experimentarán un lixeiro ascenso en xeral, excepto na franxa atlántica onde haberá un lixeiro descenso das máximas.
Os principais indicadores das temperaturas son os seguintes:
A Coruña 19° 28°; Ferrol 18° 31°; Lugo 16° 35°; Ourense 20° 39°; Pontevedra 18° 29°; Santiago de Compostela 18° 29°; Vigo 19° 29°
