Este xoves dá un xiro ao mapa do tempo en Galicia. A chegada dunha fronte moi pouco activa depara ceos parcialmente cubertos no oeste, con choivas débiles pola mañá, e unha tarde de nubes e claros con precipitacións ocasionais en boa parte da comunidade. Con todo, as previsións de Meteogalicia apuntan a que os paraugas non serán necesarios nas seguintes xornadas.
Xunto ao regreso da choiva, este xoves traerá un lixeiro descenso das temperaturas máximas. Moveranse así entre os 16 graos da Coruña e os 24 de Ourense. As mínimas, entre tanto, estarán entre os 9 graos de Lugo e os 12 da Coruña e Ourense.
