El tiempo
sábado. 04.02.2023
El tiempo

As augardentes galegas caracterízanse por presentar notas afroitadas

As augardentes galegas diferéncianse a nivel químico e organoléptico doutros que se producen en España polas súas notas afroitadas, tamén presentes en producións italianas, segundo a tese doutoral de Cristina López titulada Estudio de diferentes columnas de destilación en la elaboración de aguardientes de bagazo.

A Consellería do Medio Rural anunciou este venres que vai financiar, xunto co Instituto Nacional de Investigación e Tecnoloxía Agraria e Alimentaria (INIA), esta tese realizada pola investigadora coa colaboración da doutora Bollain Rodríguez e do doutor Orriols Fernánez.

O estudo, realizado durante 4 anos (2006-2010) na Estación de Viticultura e Enoloxía de Galicia, centro de investigación en viticultura e enoloxía da Consellería de Medio Rural adscrito ao Instituto Galego de Calidade Alimentaria (INGACAL), foi defendido este venres na Facultade de Químicas de Santiago.

O traballo aborda os diferentes sistemas de destilación que se están utilizando en Galicia para a elaboración de augardentes de bagazo a escala industrial mediante alambique, arrastre de vapor, columnas de destilación con rectificación, baño maría, columnas desmetilantes ou desalcoholizador, que determinan as características dos destilados obtidos.

Ademais, foron analizados os compostos químicos característicos das augardentes das principais variedades de uva branca (Albariño, Godello, Loureira, Doa Branca e Torrontés) e tinta (Mencía, Brancellao e Sousón), aínda que destaca a Loureira e o Torrontés pola súa peculiaridade, segundo a investigación.

As augardentes galegas caracterízanse por presentar notas afroitadas
comentarios