As altas presións moveranse este xoves cara ao norte polo que en altura entrará algo de aire frío, aumentando a inestabilidade. Isto fará que teñamos os ceos moi despexados durante as primeiras horas, pero co avance do día irán crecendo nubes de evolución que no interior poderían deixar algún chuvasco tormentoso.
As temperaturas non terán cambios significativos en xeral, excepto no terzo norte onde sufrirán un moderado descenso.
Estas son as mínimas e as máximas previstas nas principais cidades: A Coruña 10/18°; Ferrol 8/20; Lugo 7/25; Ourense 10/28; Pontevedra 11/22; Santiago 11/24; Vigo 11/21
Os ventos soprarán frouxos de dirección variable en xeral, sendo do nordés na metade norte durante a tarde.
