Ingredientes
- 500 gramos de colas de lagostinos de Pescanova.
- 500 ml. de nata líquida.
- 250 dl. de tomate frito.
- Catro ovos.
- Dous dentes de allo.
- Unha cebola.
- Dúas cenorias.
- Un vasiño de aceite, sal e pementa.
Elaboración
Nunha cacerola hai que rehogar os allos, a cebola e a cenoria, todo picado ben fino. Logo engádeselle o tomate. A continuación agréganse as colas dos lagostinos, déixanse cocer durante uns catro minutos e incorpóranse a nata e os ovos, salpementándoo coa mestura. Déixase cocer durante dous minutos antes de pasalo todo por unha turmix ou unha trituradora.
O paso seguinte é verter a mestura resultante nun molde e levala ao forno, a baño maría, durante 30 minutos a uns 200 graos.
Este prato sérvese frío e preferentemente acompañado dun pan de molde tostado para untar.
