As altas presións continuarán estacionarias ao noroeste de Galicia este martes, achegando estabilidade. Así, espérase unha nova xornada de ceo pouco nubrado ou despexado en toda a Comunidade.
Segundo a información de Meteogalicia, os ventos soprarán do nordés, con refachos fortes na Costa da Morte e réxime de brisas nas Rías Baixas. As temperaturas non experimentarán cambios significativos, con lixeiros ascensos das máximas.
Por cidades, as temperaturas máximas oscilarán entre os 29 graos de Ourense e os 22 de Santiago e Ferrol, mentres que as mínimas estarán entre os 9 graos de Lugo e os 16 de Vigo.