Este mércores Galicia estará baixo os efectos das altas presións, de forma que os ceos estarán pouco nubrados ou despexados, con nubes de tipo alto ao longo do día e néboas matinais no interior.
Segundo a información publicada por Meteogalicia, dependente da Consellería de Medio Ambiente, o vento soprará frouxo do suroeste. Pola súa banda, as temperaturas mínimas non terán cambios significativos —haberá xeadas no interior—, pero as máximas si experimentarán un lixeiro ascenso.
Nas grandes cidades galegas as máximas subirán ata os 18 graos en Ourense, mentres que os valores mínimos descenderán ata un grao en Lugo.
