O mércores Galicia quedará na influencia dun centro de baixas presións situado ao sur da Comunidade que deixará unha xornada de certa inestabilidade atmosférica, con aire cálido en superficie, pero frío nas capas altas da atmosfera.
Así, os ceos estarán parcialmente cubertos con nubes de tipo medio e alto, coa posibilidade de que se rexistre algún chuvasco ocasional, segundo o prognóstico de Meteogalicia.
As temperaturas ascenderán, especialmente as máximas.
O vento soprará de compoñente leste frouxo en xeral, forte no litoral norte.
