As choivas e os ventos continuarán este venres en Galicia, aínda que terán menos incidencia que o xoves. A zona máis afectada será a parte occidental mentres que algún raio de sol pode aparecer polo leste.
¿Seguirá sen parecer agosto? Pois si. Tan só as temperaturas, que se manterán durante a xornada, farán ver que estamos no verán. Se miramos ao ceo, poderiamos pensar tranquilamente que xa é outubro ou novembro.
A borrasca que se dirixe a Irlanda e que este xoves descargou en Galicia seguirá o seu camiño e este venres será o día no que nos deixe os seus restos.
