Este mércores será en Galicia unha xornada de transición en materia meteorolóxica, ante o anuncio da chegada dunha fronte que o xoves deixará choivas en parte da comunidade. Así, durante a mañá do mércores haberá ceos moi abertos, con néboas no interior e no litoral atlántico. E co avance do día irán entrando nubes altas desde o oeste.
As proxeccións de Meteogalicia anuncian un moderado descenso da temperatura mínima —que se situarán entre os 12 e os 15 graos—, mentres que as máximas experimentarán cambios pouco significativos. Estarán entre os 24 graos da Coruña e os 34 de Ourense.
