A anchoa, boquerón ou bocarte —son a mesma especie— chega en abril aos portos. Este pequeno peixe —de cando en cando pasa dos quince centímetros de lonxitude— é un dos peixes azuis máis apreciados e consumidos debido ao seu exquisito sabor, a súa textura agradable e unha excelente relación calidade-prezo. Pode prepararse de diferentes xeitos e, ademais de apetitoso, é moi saudable.
Ingredientes
- Oito bocartes grandes fileteados.
- Dous ovos.
- Unha lata de espaguetis de mar.
- Unha oblea de arroz.
- 250 gramos de espinacas.
- Un chile vermello.
- Allo.
- Aceite.
- Sal.
Elaboración
Primeiro frítense os filetes de bocarte e engádenselle os ovos e as algas. Faise a tortilla e envólvese nunha oblea de arroz. A continuación, córtase a modo de sushi. Aparte, saltéanse as espinacas co allo e o chile. Para rematar, móntase o prato coa tortilla e as espinacas por encima.
