O fin de semana comeza con ceo nubrado, con choivas e chuvascos débiles e ocasionais, máis frecuentes no norte da Coruña e pouco probables no sueste de Ourense. Non se descartan brumas e bancos de néboa matinais no cuadrante sueste.
As temperaturas non sufrirán cambios significativos, salvo as mínimas no oeste da Coruña onde aumentarán.
Haberá xeadas débiles en cotas altas do cuadrante sueste. O vento soprará de direccións suroeste e oeste, máis intenso durante as horas centrais, que virará a dirección noroeste ao final do día.
ALERTA. Sete provincias do norte peninsular estarán este sábado en risco por fenómenos costeiros. Pontevedra estará en risco por ondada, que será importante en Asturias, Cantabria, A Coruña, Lugo, Guipúzcoa e Biscaia.
Precisamente, a Dirección Xeral de Protección Civil e Urxencias alertou ás provincias costeiras do norte peninsular por temporal marítimo que se prolongará durante o fin de semana e que deixará ondas de ata seis metros de altura.
