A primeira fin de semana do verán non fará honra a tal condición. Tras o tempo asollado e caloroso dos últimos días, este sábado chegará progresivamente unha fronte pouco activa a Galicia, o que deixará unha xornada con máis nubes canto máis ao norte da comunidade, zonas nas que se poderían rexistrar choivas de carácter débil ao final do día.
No resto de Galicia, nubes e claros serán a tónica predominante. As temperaturas rozarán os 30 graos en Ourense, superarán os 25º en Pontevedra e serán menos elevadas noutras cidades como A Coruña ou Lugo, onde apenas chegarán aos 20º. O vento soprará frouxo de compoñente norte, con intervalos moderados nas Rías Baixas.
O domingo quedará baixo a influencia dun embolsamiento de aire frío situado no Cantábrico. Haberá máis nubes e tamén chuvascos ocasionais canto máis ao norte de Galicia. As temperaturas sufrirán un lixeiro descenso, tónica que continuará no arranque da próxima semana, que será máis fría do normal.
#findesemana en Galicia. A chegada dunha fronte pouca activa traerá:
— AEMET_Galicia (@AEMET_Galicia) June 25, 2021
Ceos nubrados ao norte con algunha choiva de carácter feble o sábado pola tarde e o domingo e ⛅️ no resto
🌡️ máximas en moderado 📉
Vento frouxo de compoñente N pic.twitter.com/2x6oCZAfNW
A próxima semana en Galicia será máis fría do normal, sobre todo na metade sur 👇 pic.twitter.com/dGV3OCRW0m
— AEMET_Galicia (@AEMET_Galicia) June 25, 2021
