Ingredientes
- Un rape pequeno.
- Ducia e media de ameixas.
- Gambas.
- Xudías verdes, cenorias, allos porros e loureiro.
- Perexil picado, fariña e ovo.
Elaboración
Limpar o rape e deslombalo, gardando as espiñas para facer un caldo. A continuación cócense as xudías. Para facer a barquereña é necesario quentar o aceite de oliva, dourar os allos e engadir a verdura, refogándoa bastante para que estea branda. Botar as cabezas das gambas, flamealas co coñá e cubrilas co caldo de peixe. Ferver a mestura durante 30 minutos e triturala inmediatamente despois.
Para preparar o peixe hai que cortalo en filetes, sazonalo con sal e rebozalo en fariña e ovo. Fritir o rape en aceite e reservar. Nunha cazola baixa, botar o caldo de peixe e un pouco de salsa verde.
Mergullar o rape e as ameixas na salsa, engadir as xudías verdes, deixar cociñar uns minutos e xa está listo para servir.
