Este mércores Galicia seguirá baixo influencia anticiclónica, co anticiclón centrado nas Illas Británicas. Con esta situación, espérase tempo seco e asollado.
Segundo a información publicada por Meteogalicia, dependente da Consellería de Medio Ambiente, o vento soprará do nordeste, moderado no interior e forte nas zonas altas, con réxime de brisas nas Rías Baixas.
Pola súa banda, as temperaturas non experimentarán cambios significativos. Deste xeito, nas cidades galegas as máximas subirán ata os 29 graos en Pontevedra e aos 27 en Vigo e Ourense, mentres que os valores mínimos descenderán ata os dous graos en Lugo e na capital ourensá.
