O sol volverá lucir este mércores tras disiparse as néboas matinais

Este mércores Galicia irá quedando progresivamente baixo a influencia anticiclónica, pero mantendo os ventos de compoñente oeste que achegarán humidade á franxa costeira.

Deste xeito, os ceos estarán parcialmente nubrados na primeira metade do día, con néboas matinais no interior e brumas costeiras.

A medida que avance a xornada os ceos quedarán pouco nubrados ou despexados en xeral, manténdose aínda algunhas néboas na franxa atlántica.

As temperaturas mínimas experimentarán un lixeiro descenso e as máximas non terán cambios significativos. O vento soprará frouxo de compoñente oeste.

Temperaturas extremas previstas nas cidades:
       A Coruña                17° 21°
       Ferrol                  16° 22°
       Lugo                    12° 27°
       Ourense                 12° 31°
       Pontevedra              15° 24°
       Santiago de Compostela  14° 25°
       Vigo                    15° 23°.

Comentarios