A situación meteorolóxica para o domingo virá marcada pola inestabilidade atmosférica debido á presenza de aire frío nas capas altas da atmosfera.
Así, espéranse ceos parcialmente cubertos con chuvascos tormentosos máis probables durante a tarde no interior.
As temperaturas mínimas quedarán sen cambios significativos, mentres que as máximas terán un lixeiro descenso.
O vento soprará do nordeste, frouxo en xeral, moderado no terzo norte, con réxime de brisas nas Rías Baixas.
As temperaturas extremas previstas nas cidades son:
A Coruña 17° 26°, Ferrol 19° 25°, Lugo 15° 27°, Ourense 18° 32°, Pontevedra 19° 26°, Santiago de Compostela 17° 27° e Vigo 22° 31°