Este xoves Galicia quedará na influencia do anticiclón, con vento de compoñente norte. Con esta situación, amencerá con ceo parcialmente cuberto e bancos de néboa en comarcas do interior. Co avance da xornada o ceo estará pouco nubrado ou despexado.
Segundo a información de Meteogalicia, dependente da Consellería de Medio Ambiente, o vento soprará frouxo de compoñente norte en xeral, con intervalos de moderado nas Rías Baixas.
Pola súa banda, as temperaturas mínimas experimentarán un lixeiro descenso, mentres que as máximas ascenderán. Deste xeito, as máximas subirán ata os 29 graos en Ourense e as mínimas descenderán ata os 10 graos en Lugo e Santiago de Compostela.
