O godello ''Pazo de Mariñán'' pertencente ás adegas ''Tapias-Mariñán'' amparadas pola Denominación de Orixe ''Monterrei'' foi elixido por segundo ano consecutivo polo Monopolio de Bebidas Noruegués para fornecer unha importante cantidade de botellas a este mercado nórdico no que obter representación é extraordinariamente difícil dado o volume de marcas que se presentan ao mesmo.
Para Antonio A. Méndez, Presidente do Consello Regulador do D.O. Monterrei, este galardón supón un novo recoñecemento para os viños amparados por esta denominación cuxa actual promoción está día a día concretando un considerable incremento nas vendas tanto a nivel nacional como internacional, recordando a aposta que esta nova adega esta realizando polos seus viños godello e treixadura que xa obtiveron dous importantes premios en Bruxelas e Londres.