Galicia sufrirá este venres un descenso entre lixeiro e moderado das temperaturas, logo destes días de calor. Polo tanto, os ceos estarán parcialmente nubrados, con néboas no litoral e nos vales do interior; e ceos alternando nubes e claros no resto, con probabilidade de fenómenos tormentosos pola tarde.
Segundo a información de Meteogalicia, o vento soprará frouxo de dirección variable. As temperaturas descenderán, especialmente as mínimas, con sensación de bochorno durante o día.
Así, por cidades, as temperaturas máximas oscilarán entre os 33 graos de Ourense e os 21 da Coruña, mentres que as mínimas estarán entre os 12 graos de Lugo e os 17 de Vigo e A Coruña.
