Volve o anticiclón a Galicia, pero por pouco tempo

O sol deixarase ver máis durante as tardes do mércores e o xoves. O venres regresa a choiva
Varias personas pasean por la playa de Bastiagueiro, en Oleiros. ARCHIVO
photo_camera Varias personas pasean por la playa de Bastiagueiro, en Oleiros. ARCHIVO

Galicia atópase esta semana nunha situación intermedia entre as baixas e as altas presións. Con todo, este martes o anticiclón será máis protagonista. O día comezará con nubes baixas e néboas en moitos puntos que irán desaparecendo co avance da mañá, para quedar unha tarde de ceo despexado no sur, con alternancia de nubes e claros no norte.

As temperaturas mínimas descenderán lixeiramente mentres que as máximas non terán cambios significativos.

Dentro da situación intermedia desta semana hoxe notamos algo máis a influencia da borrasca. Por iso as nubes non desapareceron e as máximas estiveron por debaixo das de onte.
Mañá o anticiclón será máis protagonista. A tarde sera solleira e o termómetro recuperará o perdido hoxe pic.twitter.com/jyarV8emww

— MeteoGalicia (@MeteoGalicia) July 27, 2021

Os ventos soprarán frouxos de compoñente norte, con intervalos de moderado pola tarde nas Rías Baixas. 

Temperaturas mínimas e máximas previstas nas principais cidades:

A Coruña 14°/21°; Ferrol 15°/21°; Lugo 11°/24°; Ourense 15°/29°; Pontevedra 13°/27°; Santiago de Compostela 13°/22°; Vigo 13°/25°.

A situación será similar o xoves, con ceos nubrados pola mañá e despexados pola tarde, excepto na Mariña, onde se espera unha xornada inestable.

O venres, unha fronte fría pouco activo rozará o norte de Galicia e provocará unha xornada de ceos moi nubrados ao norte con choivas débiles máis probables pola mañá. Ao sur, pola tarde, a tendencia será a apertura de claros.

Durante o fin de semana as nubes estarán máis presentes no terzo norte –con probabilidade de choivas débiles–, mentres que no sur da comunidade espéranse ceos pouco nubrados. A partir do domingo as altas presións iranse afastando de Galicia, aumentando así a probabilidade de choivas.

Comentarios