O futbolista Lucas Pérez e a xornalista Graciela Álvarez Lobo, ex de Luís Cepeda, manteñen unha relación sentimental. A asturiana, que actualmente presenta un programa en Real Madrid TV xunto a Miki Nadal, colgou na súa conta de Instagram como storie unha primeira fotografía xuntos, na que se vía o exxogador do Deportivo dándolle un bico.
Graciela Álvarez (Oviedo, 1991) situouse no foco da prensa rosa en 2017 pola súa relación co exconcursante de Operación Triunfo Luís Cepeda, que se terminou polo idilio que xurdiu entre o ourensán e Aitana Ocaña durante a súa estancia na Academia. Á xornalista non lle sentou nada ben e borrou das súas redes sociais todas as imaxes que compartía co artista galego.
Agora parece que o amor volveu á súa vida da man do futbolista do Alavés.
