Problemas de pel polo coronavirus? Pois si, e non só polo virus en si, senón polo uso de máscaras. Chámaselle maskne, e consiste nun problema de acne (ao redor da zona do nariz, boca e queixo) consecuencia do uso continuado da máscara para protexernos a nós mesmos e aos demais do virus.
O maskne maniféstase con manchas, grans e espinillas. A súa aparición iníciase coa fricción da máscara coa pel, bloqueando as aperturas foliculares. Ademais, dentro da máscara créase un microambiente húmido causado pola respiración na que se suman calor, humidade e suor.
Solucións? Limpeza de face antes e logo de usar o tapabocas, hidratación da pel de forma conveniente e, sobre todo, ser perseverantes. Tamén se aconsella cambiar de material das máscaras, se se usan das hixiénicas, que se poden atopar desde algodón ata neopreno.
