O rei Juan Carlos pasou boa noite e recupérase satisfactoriamente no hospital

O pai de Felipe VI, que permaneceu o sábado na Unidade de Coidados Intensivos (Uci), pasou a unha habitación en planta o domingo dada a súa boa evolución

Don Juan Carlos. AEP
photo_camera Don Juan Carlos. AEP

Don Juan Carlos pasou boa noite e recupérase satisfactoriamente, segundo informaron fontes do Hospital Universitario Sanitas La Moraleja onde se atopa ingresado o monarca. O Rei emérito ingresou o pasado sábado cando se someteu a unha operación do xeonllo dereito con obxecto de substituír a prótese que lle implantaron hai sete anos.

O pai de Felipe VI, que permaneceu o sábado na Unidade de Coidados Intensivos (Uci), pasou a unha habitación en planta o domingo dada a súa boa evolución.

Este luns pola mañá, unha portavoz de Sanitas informou de que pasou "boa noite" e o seu estado evoluciona "satisfactoriamente".

Ao longo deste fin de semana, don Juan Carlos recibiu as visitas da raíña Sofía, e os reis Felipe e Letizia, quen acudiron ao hospital acompañados das infantas Leonor e Sofía. Tras compartir algo máis dunha hora con don Juan Carlos, Don Felipe mostrouse "moi contento" co resultado da operación e convencido de que a substitución da prótese artificial que lle foi implantada en 2011 no xeonllo dereito vaille permitir "gañar moita calidade de vida".

Comentarios