A rama dunha árbore caeu este sábado no aparcadoiro do Complexo Hospitalario Universitario de Santiago aínda que afortunadamente non houbo que lamentar feridos nin danos. No momento en que se produciu o suceso, ningunha persoa nin automóbil se atopaban cerca da árbore.
O suceso produciuse no momento en que despegaba o helicóptero medicalizado do hospital. Despois de transportar a un enfermo ao centro, dispúñase a saír cando a forza do vento provocado polas hélices foi demasiado forte para que a rama puidese soportalo.
