Desaloxan seis edificios polo derrube dun muro da antiga lonxa de Malpica

Corrían risco de vir abaixo por un efecto dominó

O derrube dun muro na antiga lonxa da localidade coruñesa de Malpica obrigou a desaloxar seis edificios situados na zona portuaria que corrían o risco de vir abaixo por un efecto dominó, informa Urxencias 112.

Tres persoas tiveron que abandonar este martes pola tarde as súas vivendas por precaución, pois a caída do muro da lonxa provocou o desprazamento da atalaia do porto, o que fixo temer o derrube das vivendas contiguas, segundo indican os axentes da Garda Civil e Protección Civil de Malpica.

Un retén conformado por efectivos da Garda Civil, Policía Local e Protección Civil permaneceu durante toda a noite na zona portuaria co fin de reforzar as medidas de seguridade, ata que os técnicos terminen de revisar as estruturas adxacentes ao muro danado.

Os servizos de urxencias confirmaron que ninguén resultou ferido e no operativo participaron membros do GES de Ponteceso e os técnicos de Portos de Galicia.

Comentarios