Axentes da Garda Civil adscritos ao Equipo da Policía Xudicial de Betanzos (A Coruña) detiveron a tres mozos desta localidade, dous deles menores de idade, como presuntos autores dun delito de extorsión a outro menor. As supostas extorsións producíronse entre os meses de abril e xuño cando, por medio de ameazas e intimidacións, obrigaban ao menor a substraer no seu domicilio diñeiro en efectivo por unha cantidade total de seis mil euros, informan este xoves fontes do instituto armado.
O pai da vítima denunciou os feitos no Cuartel da Garda Civil de Betanzos, tras o que os axentes iniciaron a investigación. Co diñeiro que os mozos conseguiron por mor das ameazas, un deles comprou unha motocicleta que foi intervida polos axentes e atópase a disposición da autoridade xudicial.
Un dos detidos, de 23 anos, foi posto a disposición do Xulgado de Instrución de Garda de Betanzos, mentres que os outros dous menores foron presentados ante a Fiscalía de Menores da Coruña.
A Garda Civil detén tres mozos de Betanzos por extorsionar a outro menor
Obrigaban ao mozo a subtraer do seu domicilio diñeiro en efectivo. A cantidade chegou aos seis mil euros
