Dúas persoas resultaron feridas nun accidente no que se viron implicados catro vehículos no municipio coruñés de Padrón, segundo informa a Axencia Galega de Urxencias a través dun comunicado.
Ao redor das 16.40 horas deste martes produciuse o sinistro na estrada nacional 550, á altura da Picaraña, na parroquia de Cruces, cando un particular alertou ao 112. Catro vehículos víronse implicados na colisión, que se saldou con dúas persoas feridas que foron trasladadas ao hospital de Santiago de Compostela.
Ademais dos efectivos de Urxencias Médicas, tamén se informou ao GES de Padrón e á Garda Civil de Tráfico, que enviaron sendas dotacións ao lugar.
Dous feridos nun accidente entre catro vehículos en Padrón
O suceso produciuse na N-550, á altura da Picaraña
