Dúas persoas resultaron feridas, unha delas de gravidade, ao saír despedidas da estrada co coche no que viaxaban mentres circulaban pola A-6, ao seu paso por Abegondo.
O accidente rexistrouse sobre as 14.55 horas deste martes, tras a alerta dun particular ao 112 Galicia. En Concreto, un vehículo saíu despedido da A-6 indo parar a unha estrada secundaria.
Un dos ocupantes tivo que ser excarcerado polos efectivos de urxencia e o seu estado é grave.
A central de urxencias alertou ao 061, Bombeiros de Betanzos, Protección Civil e á Garda Civil de Tráfico. As dúas vítimas foron evacuadas a un centro hospitalario.
ACCIDENTE EN BETANZOS. Unha parella de avanzada idade resultou ferida este martes tras caer co seu coche por un terraplén en Betanzos, informa o 112.
O sinistro produciuse ás 16.30 horas no quilómetro 572 da estrada nacional VI e foi un particular quen alertou do ocorrido.
As dúas vítimas foron evacuadas en ambulancia ao Complexo Hospitalario Universitario da Coruña, nunha intervención que tamén foi posta en coñecemento dos bombeiros, Protección Civil e a Garda Civil de Tráfico.
