Feridas dúas persoas en Vilagarcía ao caer dun patinete eléctrico

A condutora do vehículo tivo que ser trasladada en ambulancia a un centro sanitario
Un patinete eléctrico. FERNANDO ALVARADO
photo_camera Un patinete eléctrico. FERNANDO ALVARADO

Dúas persoas resultaron feridas ao caer dun patinete eléctrico na mañá deste venres no termo municipal pontevedrés de Vilagarcía de Arousa.

Segundo a información facilitada polo 112 Galicia, este accidente tivo lugar sobre as 12,00 horas na Avenida da Mariña, á altura do número 124, no parque Miguel Hernández.

Tras ter coñecemento do sucedido a través dunha persoa particular, o CIAE 112 pasou o aviso a Urxencias Sanitarias de Galicia-061, á Policía Local, aos Bombeiros do Salnés e ao Servizo de Urxencias e Protección Civil da localidade.

As mesmas fontes sinalaron que a condutora do patinete eléctrico foi trasladada a un centro sanitario nunha ambulancia.