Unha persoa resultou morta na tarde deste sábado tras ser atropelado por un turismo en plena AP-9 ao seu paso por Pontevedra, segundo informan fontes da Garda Civil.
O accidente rexistrouse sobre as 19.30 horas deste sábado, cando, por causas que se están valorando, a vítima irrompeu na vía de alta capacidade na zona que pasa por baixo da ponte da Barca.
O sinistro causou un triplo choque en cadea dos turismos que circulaban detrás, todos eles en sentido Vigo, xerando ademais importantes retencións no lugar.
A Policía, o Instituto Armado e os servizos sanitarios desprazáronse inmediatamente ao lugar, aínda que nada puideron facer pola vida da vítima.
Os ocupantes do resto de coches implicados nos posteriores choques non resultaron feridos, pero os seus vehículos si resultaron afectados, con danos materiais.
As primeiras investigacións apuntan a que o falecido puido irromper na calzada de forma voluntaria, aínda que todas as liñas de investigación permanecen abertas.
