Os efectivos do parque comarcal de bombeiros de Valdeorras axudaron na mañá deste sábado a unha nena de sete anos que tiña dificultades para abandonar o vehículo no que circulaba tras sufrir un accidente de tráfico e caer a un regato.
O condutor do coche si puido saír polos seus propios medios, informou a Axencia Galega de Emerxencias.
O turismo, tras sufrir unha saída de vía cando circulaba pola N-536, envorcou no coñecido como regato de Candís, á altura de Sobradelo, no municipio ourensán do Barco de Valdeorras.
Como resultado da posición do vehículo, a menor non podía saír polos seus propios medios. Unha vez liberada, foi atendida polo equipo dunha ambulancia desprazada ao lugar.
Os bombeiros axudan a saír do coche a unha nena que envorcou nun regato
O vehículo no que viaxaba co seu pai sufriu unha saída de vía na N-536, á altura de Sobradelo, no municipio ourensán do Barco de Valdeorras