Unha muller de Monforte. P.D.L., de 66 anos, faleceu este mércores despois de caer co seu tractor nun pozo de xurro.
O accidente produciuse nas inmediacións da súa casa, na parroquia monfortina de Vilamarín.
Segundo fontes da investigación, a muller ía conducindo e puido despistarse ou marearse, polo que perdeu o control do vehículo.
Ao lugar dos feitos acudiron os bombeiros, persoal do 061 Urxencias Sanitarias e a Policía Nacional.
Para conseguir sacar o corpo da falecida, foi necesario baleirar primeiro o pozo e despois sacar o tractor, momento no que tamén se extraeu o cadáver da fosa.
