Unha muller resultou ferida na mañá deste mércores tras precipitarse desde unha altura a un pozo no municipio do Barco de Valdeorras. Segundo informou o 112 Galicia, a vítima caeu a un pozo de escasa profundidade e foi rescatada por un veciño nunha propiedade da rúa Eulogio Fernández.
Foi un particular o que contactou co 112 ás 9.00 horas deste mércores para indicar que acababa de ver á muller caer dunha fiestra. O persoal do Centro de Atención ás Emerxencias alertou a Urxencias Sanitarias e aos Bombeiros de Valdeorras.
Tamén se informou ao Ges de Valdeorras, á Policía Local e á Garda Civil. O 061 enviou ao lugar unha ambulancia asistencial e un médico de Atención Primaria para atender á muller, D.V.A., de 70 anos, que foi levada ao Hospital de Valdeorras, segundo sinalaron fontes sanitarias.
O 112 apuntou que o home tamén foi levado a un centro sanitario xa que presentaba síntomas de hipotermia.
Rescatan a unha septuaxenaria tras precipitarse a un pozo no Barco
Foi sacada do lugar por un veciño, que advertiu aos servizos de urxencias
