Axentes do Corpo Nacional de Policía detiveron a tres persoas cando estaban a roubar no interior dunha vivenda unifamiliar na Coruña, segundo informa a Xefatura Superior de Policía de Galicia.
As detencións producíronse na madrugada do pasado 18 de outubro nas inmediacións do Camiño da Regueira, logo de saltar a alarma. Un familiar dos propietarios explicoulles que a vivenda tiña que estar baleira, pero que, con todo, tiña as luces acesas e o garaxe entreaberto. Á súa chegada, os axentes sorprenderon a dúas persoas, home e muller, saíndo dunha das habitacións. No exterior, localizaron outro mozo.
Na inspección atopáronse varios obxectos apilados xunto á porta de acceso á leira como maquinaria de xardinería. Tamén faltaba diñeiro en efectivo. As tres persoas, dúas delas de 41 e 22 anos e con antecedentes, foron detidas xunto a un mozo de 20 anos como presuntos autores dun delito de roubo con forza.
Tres detidos na Coruña cando estaban roubando no interior dunha vivenda
Os axentes sorprenderon os ladróns en plena faena o pasado 18 de outubro