Un total de tres persoas resultaron feridas tras colidir dous turismos este domingo na coñecida como recta da Raia, na parroquia de Lourdes, no concello de Curtis.
Unha delas quedou atrapada e tivo que ser liberada polos efectivos do GES.
Tras recibir a alerta ao fío das 17.15 horas, o 112 Galicia solicitou a colaboración dos Bombeiros de Betanzos e Garda Civil de Tráfico.
ACCIDENTE NA Laracha. Por outra banda, dúas persoas resultaron feridas por mor dunha colisión entre un coche e unha moto —tamén na tarde deste domingo— na AC-523, ao seu paso polo lugar de Meirama, na Laracha.
Urxencias Médicas mobilizou, neste caso, o helicóptero medicalizado con base en Santiago de Compostela, ademais dunha ambulancia.
O 112 Galicia, unha vez recibida a alerta pasados uns minutos das 15.00 horas, informou a Tráfico e a Protección Civil de Cerceda e A Laracha, ademais do servizo de limpeza e mantemento da vía.
Tres persoas feridas nun accidente en Curtis
Así mesmo, a colisión entre un coche e unha moto na Laracha deixa outros dous lesionados