Os residentes dun centro de maiores situado na Avenida Conde Fenosa no Barco de Valdeorras foron evacuados por precaución na mañá deste venres ao saltar a alarma de incendios do edificio, posiblemente debido a un fallo eléctrico. Así o sinalou o CAE 112 Galicia, que explicou que foi persoal do mesmo centro o que se encargou da evacuación.
Segundo indicaron, non vían chamas nin fume pero solicitaban a presenza dos bombeiros para que comprobasen as instalacións. Por iso, o CAE 112 Galicia, tras a alerta recibida sobre as 10.30 horas, pasou aviso aos Bombeiros de Valdeorras que, unha vez feitas as revisións, comprobaron que un problema eléctrico na campá extractora foi o que provocou que saltase a alarma. Efectivos do GES de Valdeorras e da Policía Local tamén foron informados dos feitos por persoal do 112 Galicia.
Un fallo eléctrico provoca a evacuación dos residentes dun centro de maiores no Barco de Valdeorras
Un problema na campana extractora fixo saltar a alarma e o persoal do centro desaloxou o lugar
