A Sala do Civil e Penal do Tribunal Superior de Xustiza de Galicia acordou aprazar a vista de apelación polo crime de Diana Quer, prevista para o 28 de abril, ao 26 de maio ás once da mañá.
Os maxistrados indican na providencia que persisten os motivos que deron lugar á anterior suspensión, pois inicialmente a celebración foi sinalada para o pasado 31 de marzo, e por iso se produce este novo adiamento.
As razóns son, xa que logo, a vixencia do estado de alarma pola crise sanitaria e a afastada data de vencemento da prisión provisional decretada para o único procesado, José Enrique Abuín Gey, El Chicle, que vence en decembro de 2032.