Vídeos

'Chair challenge', o reto que... só poden superar as mulleres?

Unha cadeira e unha parede. Non fai falta nada máis para superar o novo reto viral da internet. Polo menos se es muller, porque no caso dos homes non está tan claro que baste con só eses dous elementos.

E é que o Chair challenge, que así se chama, ten a particularidade de ser –en aparencia– máis que sinxelo para elas... e imposible para eles.

As regras do reto son moi sinxelas: situado enfronte dunha parede a unha distancia de dous pés, debes inclinar 90 graos o teu corpo ata dar coa cabeza no muro; logo, debes coller unha cadeira, achegar o seu asento ao teu peito e erguerte.

Parece moi fácil. Entón, cal é o motivo de que os homes sexan (case) incapaces de levar a cabo o reto? A explicación está no centro de gravidade. Segundo os expertos, as mulleres téñeno preto da cadeira, mentres que os homes posúeno no abdome, o que dificulta o movemento.