O venres Galicia perderá a influencia anticiclónica debido á chegada dunha fronte asociada a unha borrasca situada ao oeste de Islandia.
Polo tanto, agárdase un progresivo aumento das nubes, con chuvias febles na franxa atlántica. Á noite as chuvias serán xeneralizadas.
As temperaturas mínimas experimentarán un lixeiro ascenso, mentres que as máximas sufrirán un lixeiro descenso. O vento soprará moderado de compoñente sur.
