Ceos pouco nubrados con temperaturas máximas en ascenso o martes en Galicia

Galicia estará este martes entre as altas e as baixas presións, o que deixará ceos pouco nubrados ou despexados, excepto no litoral da Coruña, onde predominarán as nubes sobre os claros, segundo a predición de Meteogalicia.

Pola tarde crecerá a nebulosidade de evolución nas zonas altas de Lugo e Ourense, coa posibilidade dalgún chuvasco de carácter tormentoso.

As temperaturas mínimas sufrirán un lixeiro descenso e as máximas experimentarán un lixeiro ascenso.

O vento soprará frouxo de compoñente norte, máis intenso nas Rías Baixas.