A Ertzaintza investiga como homicidio a morte dun neno en Azpeitia

Ao parecer faleceu afogado e a nai presentaba feridas que se fixera ela mesma
Foto de arquivo dunha piscina. ADP
photo_camera Foto de arquivo dunha piscina. ADP

A Ertzaintza investiga como homicidio a morte dun neno de 4 anos nun caserío da localidade guipuscoana de Azpeitia, onde, ademais do cadáver do menor, os axentes localizaron este martes á súa nai ferida tras haberse autolesionado.

Segundo informan fontes do caso, o neno ao parecer faleceu afogado, mentres que a nai presentaba feridas que presumiblemente se fixera ela mesma, polo que foi trasladada ao Hospital Donostia, no que se atopa ingresada.

O Departamento vasco de Seguridade non confirmou que a investigación apunte ao homicidio e limitouse a explicar que os servizos de urxencias recibiron sobre as 18.00 horas do martes unha chamada de alerta sobre a grave situación dun neno.

Unha ambulancia trasladouse ao caserío e os sanitarios trataron de reanimar ao pequeno, aínda que finalmente faleceu.

Ao parecer o neno faleceu afogado e a nai presentaba feridas que se fixera ela mesma

A Ertzaintza fíxose cargo de caso e comezou unha investigación para esclarecer este suceso, sobre o que podería arroxar luz os resultados da autopsia que esta mañá se realizou ao neno.

Comentarios