A infanta Cristina e tres dos seus fillos visitan ao Rei Juan Carlos no hospital 

O Rei emérito "segue evolucionando favorablemente" na Unidade de Coidados Intensivos,aínda que se espera que poida abandonala e pasar a planta "nas próximas horas"
A infanta Cristina e tres dos seus fillos durante a súa saída da clínica Quiron en Pozuelo. RODRIGO JIMÉNEZ (EFE)
photo_camera A infanta Cristina e tres dos seus fillos durante a súa saída da clínica Quiron en Pozuelo. RODRIGO JIMÉNEZ (EFE)

A infanta Cristina e os seus fillos Juan Valentín, Irene e Miguel visitaron este luns ao Rei emérito Juan Carlos I no hospital Universitario Quirónsalud de Pozuelo de Alarcón, onde se recupera da operación cardíaca á que foi sometido o pasado sábado. 

Descenderon do vehículo no que chegaron ao centro hospitalario e dirixíronse directamente ao interior do edificio sen facer declaracións aos medios de comunicación. 

A infanta e os seus fillos abandonaron as instalacións media hora despois de chegar e á súa saída non realizaron ningunha declaración aos medios de comunicación.

A filla do rei emérito limitouse a saudar aos xornalistas que esperaban na porta do hospital e a dicir que todo está "ben", mentres entraba no vehículo para marcharse. 

Trátase da primeira visita que recibe o rei emérito no segundo día de posoperatorio tras a operación de tripla bypass que tivo lugar o sábado pasado. Onte acompañárono durante a súa recuperación dona Sofía, o rei Felipe VI e a raíña Letizia. 

BO ESTADO DE ÁNIMO.  Don Juan "Carlos segue evolucionando favorablemente" na Unidade de Coidados Intensivos (UCI), aínda que se espera que poida abandonala e pasar a planta "nas próximas horas", segundo o último parte médico emitido polo centro sanitario.

A xerente territorial dos hospitais Quirón, Lucía Alonso, foi, un día máis, a encargada de ler o informe médico no que se precisa que o paciente deu xa "os seus primeiros pasos" e tolera ben a dieta branda.

"Procedeuse á retirada das drenaxes torácicas, está en fase de supresión do soporte vasoactivo con boa resposta hemodinámica e empezou a realizar exercicios de fisioterapia cardiorrespiratoria", engade o texto.

Tendo en conta todo isto e o feito de que "mantén un bo estado de ánimo", como sinala o parte, prevese que "nas próximas horas" don Juan Carlos poida pasar a planta de hospitalización, onde o réxime de visitas xa non será tan estrito.

Comentarios