Lixeiro ascenso das temperaturas en Galicia

Galicia quedará este luns baixo a influencia das altas presións, aínda que cunha fronte no Atlántico que se irá aproximando durante a tarde.

Así, os ceos estarán pouco nubrados ou despexados pola mañá, con algún intervalo de nubes de tipo alto, quedando algo máis nubrados durante a tarde na metade oeste.

As temperaturas ascenderán entre lixeira e moderadamente. O vento soprará frouxo de dirección variable, collendo compoñente oeste co avance do día. Os ventos soprarán do norte, moderados.